Monday, March 12, 2012

ንዒ ንዒ ንባበ-ግእዝ...


እንበልና፦

አንድ ልጅ ቅኔ ተምሮ የታወቀ ሊቅ ለመኾን ፈልጓል።
ለለቱ ግን "ጉባኤ-ቃና" የምትባለው የቅኔ ትምርት የመጀመሪያ ደረጃ አልገባው ብላ ተቸግሯል። እንዲያውም  ርሱ በተጠጋት ቁጥር ርሷ እየራቀችው የምትኼድ ይመስለዋል። 

እናም ይችን "ጉባኤ-ቃና" የተባለች የቅኔ ጥበብ እንደሰማኢ አካል ቢያስባት እና እንድትቀርበው ለማባበል ቢሻ፤ ምስጢሩንም ጓደኞቹ እንዲያውቁለት ቢፈልግ፤ ሊያደርግ የሚችለው ምንድር ነው? ከዚህ ቀደም ርሱም እነርሱም የሚያውቁትን የማባበያ ዘዴ ፈልጎ (በምሳሌነት) መጠቀም ነዋ። አይደለም እንዴ? ነው እንጂ። 

ስለኾነም የድመቷን ነገር ያስታውስ የኾናል። ሲቀርቧት የምትርቀውን ድመት። ነገር ግን ወተት ሲያፈሱላት በወተቱ ምክንያት የምትመጣውን።



ታዲያ ይች የቅኔ ትምርት ምን ቢፈስላት ትመጣ ይኾን? ልብ ነዋ፤ ልብ። ትምርትን በፍጹም ልብ ካልሿት ልትገባ አትችልም። በቃ! አኹን ምሳሌውንም (ጥበቡንም) አገኘው። “ውርርር” ማለት ብቻ ነው። ነይ ነይ፤ ነይ እንጂ ነይ፤ ጉባኤ-ቃና/ውርየ ሆይ፦ [የኔ] የተማሪው ልብ/ወተት ፈሶልሻል አይዶለም ወይ...
ንዒ ንዒ ጉባኤ-ቃና ድመት
አምጣነ-ተክዕወ ለኪ ልበ-ተማሪ ወተት።
ነይ ነይ ጉባኤ-ቃና ድመት
ፈሶልሻልና ላንቺ የተማሪ ልብ ወተት።

ሰምና ወርቅ ይሏል የኸ ነው! ረቂቁን ምስጢር በጎላ በተረዳ ምሳሌ መግለጥ።

እኛ ግን ከኹሉ አስቀድመን የግእዝን ንባብ መማር ስላለብን፤ ለጊዜው "ጉባኤ-ቃና" የተባለችውን ይለ-ቃል "ንባበ-ግእዝ" (የግእዝ ንባብ) በሚለው ለውጠናታል። 
ንዒ ንዒ ንባበ-ግእዝ ድመት
አምጣነ-ተክዕወ ለኪ ልበ-ተማሪ ወተት።
ነይ ነይ የግእዝ ንባብ ድመት
ፈሶልሻልና ላንቺ የተማሪ ልብ ወተት።
 
ድ.ክ. (P.S.)

በቶሮንቶ ከተማ ለምትገኙ መፍቀርያነ-ግእዝ (የግእዝ ወዳጆች) ትምርቱን በክፍል ለመስጠት በዝግጅት ላይ እንዳለን ስናበሥራችኹ ከፍተኛ ደሥታ ይሰማናል። ትምርቱ የሚሰጥበት ጊዜ ላብዛኞቻችኹ በሚመች ቀን እና ሰዓት ይኾን ዘንድ እንድንመካከር፤ የመማር ፍላጎታችኹን እንድትገልጡልን እናሳስባለን። ዐሳባችኹን የምትገልጡባቸውን መንገዶች በቅርቡ በሚወጣ ማስታወቂያ የምንጠቁማችኹ ሲኾን፤ ለጊዜው “ግእዝ በቶሮንቶ” በተሰኘው የ“ፌስቡክ” ወዳጆች መድረክ ኹኔታውን ልትከታተሉ ትችላላችኹ።

3 comments:

  1. እኔና የተወሰንን ጓደኞቼ ግዕዝ ለማጥናት ፈልገን ነበር። ችግሩ ሩቅ ሩቅ ነው የምንኖረው። አስተማሪም አላገኘን። ስለዚህ በኢንተርኔት ላይ መማር መማማር ቢቻል ብለን አስበነል። ርግጠኛ ነኝ እንደኛው አይነት ብዙ ሰው ሊኖር ስለሚችል የምትረዱን ነገር ካለ ብለን ነበር።

    ReplyDelete
    Replies
    1. ተገኘ ሀሳብችሁን በጣም ወደድኩት፤ እኔ እንደናንተ የግ ዕዝ ቋንቋ ለመማር ፈልጌ ብዙ ጥረት አደርጋለሁ። ነገር ግን ቤት ቅነት ገብተህ ካልተማርከው ለእንደኔ ላለ ሰው በጣም ከባድ ነው። ይሁን እንጅ አንድ መሰረታዊ ይሆነ የኢብራይስጥ፤ የግ ዕዝ፤ የአረበኛ መዝገበ ቃላት በማግኘቴ ብዙ ስለ ግ ዕዝ ቋንቋ መማር እና አመጣጥ ላውቅ ችያለሁ። ስለዚህ ፍላጎቱ ካልችሁ አብረን ያለንን እና ያገኘነውን እውቀት ብንካፈል ደስ ይለኛል። ተችሎ አቤ- techilo88@gmail.com

      Delete
  2. Hi
    I have posted an article about Geez on the internet. It is written in Tigrinya. Also, if needed in Amharic you can use Haleka Kidane Wold Kiflie book. If intereste search: Learn Basic Geez Grammar 2015. God Bless Z. Haile

    ReplyDelete