Monday, April 2, 2012

ጉባኤ ቀዳማዊ (የመክፈቻ ትምርት) በቶሮንቶ

ይትባረክ እግዚአብሔር አምላከ-አበዊነ

(ያባቶቻችን የነቅዱስ ያሬድ፣ የነአባ ጊዮርጊስ ዘጋስጫ፣ የነአቡነ ተክለ-ሃይማኖት... አምላክ ይክበር ይመስገን።)

ስቡሕኒ ውእቱ ወልዑልኒ ውእቱ ለዓለም።
(እኛ ብናመሰግነው ምስጋና የሚጨመርለት፣ እኛ ባናመሰግነው ምስጋና የሚከፈልበት ሳይኾን ለዘላለም ንዑድ ክቡር ነው።)

የሊቃውንት አባቶቻችን አምላክ ይክበር ይመስገንና፤ ቅዳሜ'ለታ ያገራችን የኢትዮጵያ አእምሯዊ ቅርስ ፈርጥ፤ እንዲሁም ልጆቿ ወደፊት በማናቸውም ዘርፍ ለምናደርገው ገናኛ ምርምር (possible research) የዐቅማችን ድልብ (potential resource) ስለኾነው ስለግእዝ ቋንቋ እና ስለግእዝ ሥነ-ጽሑፍ የቻልነውን ያኽል በተሳካ ኹናቴ ተወያይተናል። ወደፊት የትምርቱንም ኾነ የማስተዋወቁን ሥራ እንዴት እንደምንቀጥል የጉባኤ ባለቤት የኾነውን አምላካችንን "ወይኩን ፈቃድከ" እያልን ከመለመን ጋራ፤ በመርሐ-ግብሩ መጨረሻ በተመካከርነው መሠረት መትጋት ነው።

በምሴተ-ቀዳሚት (ቅዳሜ ምሽት) ለተገኛችኹ ቶሮንቶዎች እጅግ ከፍተኛ ምስጋና እናቀርባለን።

ብዙዎቻችኹ ባገር ርቀት ምክንያት፣ ቶሮንቶ ውስጥም የምትኖሩ ኾናችኹ ስላልተመቻችኹ ለመገኘት ያልቻላችኹ፤ ነገር ግን በየአላችኹበት ለመክፈቻ ትምርታችን ስኬት የመልካም ምኞትም የጸሎትም አስተዋጽኦ ላደረጋችኹልን ልባዊ ምስጋናችን ይድረሳችኹ። ከናንተም ጋራ እንዴት እንደምንማማርና እንዴትም እንደምንደጋገፍ እየቀደም አንወያያለን።

ቸር ይግጠመን።

No comments:

Post a Comment